Date
1281, mai

Regeste
Gui de Maligny reconnaît qu’Emengarde La Verdine, de Souilly (1), est serve de l’abbaye de Pontigny et s’engage à réitérer cette reconnaissance lorsqu’il héritera de la seigneurie de Maligny.

Tradition
A. Archives départementales de l’Yonne, H 1494. Parchemin.

Edition
Je, Guis de Merleigni, chevaliers, fais asavoir a touz ceaus qui verront ces presentes leittres que, cum descorz fut entre moi et religieux homes |2| l’abbé et le convent de Ponteigni sus ce que ge fingoie et demandoie en leur vile de Sooli une fame qui eit apelee Eymeingart la verdine, en |3| disant que ile eitoit ma fame taillable aut et bas, de condition de mein morte, laquel chose lidit religieux ne quenoissoiet pas, einz disoet que ile eitoit |4| leur fame en la condition devant dite, a la parfin, dou consoil de bone genz, ge lor ei quité a touz jorz pardurablemant sanz rapial de moi, de mes hoirs |5| et de mes successeurs, tout lo droit que j’avoie ou pooie ou devoie avoir en ladite Eymeingart, en ses hoirs et an ses choses et es choses de ses hoirs, et leur promeit leaumant ces choses a garantir contre touz ceaus qui rien i pouroiet reclamer por raison des hoirs de Merleigni. […]

(1) Maligny, Yonne, arr. Auxerre, cant. Ligny-le-Châtel
(2) Souilly, Yonne, arr. Auxerre, cant. Ligny-le-Châtel, comm. Montigny-la-Resle